உங்கள் பேத்திக்கு கும்ப லக்னம், மீன ராசி. களத்திர ஸ்தானாதிபதி நீச்சம் பெற்றிருந்தாலும் நவாம்சத்தில் உச்சம் பெறுகிறார். தொழில் ஸ்தானத்தில் பூர்வபுண்ணியாதிபதி பாக்கியாதிபதி மற்றும் ராகுபகவான்கள் இணைந்திருக்கிறார்கள். லக்னாதிபதியான சனிபகவான் அயன ஸ்தானத்தில் ஆட்சி பெற்று குருபகவானின் பார்வையைப் பெறுகிறார். அவருக்கு தற்சமயம் கேது மஹா தசை முடியும் தருவாயில் உள்ளது. சுக்கிர மஹா தசை தொடங்கி ஓராண்டுக்குள் படித்த நல்ல உத்தியோகத்திலுள்ள வரன் அமைந்து திருமணம் கைகூடும். பிரதி ஞாயிற்றுக்கிழமைகளில் சிவபெருமானை வழிபட்டு வரவும்.