உங்கள் மகனுக்கு மீன லக்னம், கும்ப ராசி. லக்னம் மற்றும் தொழில் ஸ்தானத்திற்கும் அதிபதியான குருபகவான் கேந்திராதிபத்ய தோஷம் நீங்கப்பெற்று தொழில் ஸ்தானத்தைப் பார்வை செய்கிறார். பூர்வபுண்ணிய ஸ்தானத்தில் வலுவான கிரகங்கள் அமர்ந்திருக்கிறார்கள். தன, பாக்கியாதிபதியான செவ்வாய்பகவான் லக்னாதிபதியையும் பாக்கிய ஸ்தானத்தையும் பார்வை செய்கிறார். வாப ஸ்தானத்தில் லாபாதிபதியான சனிபகவான் ஆட்சி பெற்று அமர்ந்திருப்பது ஜாதகத்திற்கு மேலும் வலுவைக் கூட்டுகிறது. கஜகேசரி யோகம், புத ஆதித்ய யோகம் போன்ற சிறப்பான யோகங்கள் உள்ளன. இதனால் அவருக்கு மத்திய அரசு சம்பந்தப்பட்ட உயரிய பதவிகள் கிடைக்கும். அடுத்த ஆண்டு இறுதிக்குள் நல்ல வேலை அமைந்துவிடும். எதிர்காலம் சிறப்பாக இருக்கும். பிரதி சனிக்கிழமைகளில் சனிபகவானை வழிபட்டு வரவும்.