டிரையம்ப் மோட்டார் சைக்கிள்ஸ் இந்தியா நிறுவனம் முற்றிலும் புதிய வகை 'ஸ்ட்ரீட் டிரிப்பிள் எஸ்' என்ற மோட்டார் சைக்கிளை புது தில்லியில் திங்கள்கிழமை அறிமுகப்படுத்தியது.
இதுகுறித்து அந்த நிறுவனத்தின் நிர்வாக இயக்குநர் விமல் சம்ப்ளி தெரிவித்ததாவது: டிரையம்ப் நிறுவனத்தின் 'ஸ்ட்ரீட் டிரிப்பிள் எஸ்' என்ற புதிய ரக மோட்டார்சைக்கிள் இந்திய சந்தையில் அறிமுகப்படுத்தப்பட்டுள்ளது. இதில், 765-சிசி என்ஜின் பொருத்தப்பட்டுள்ளது. புது தில்லியில் இதன் விற்பனையக விலை ரூ.8.5 லட்சமாக நிர்ணயிக்கப்பட்டுள்ளது.
இந்தியாவில் 5 பல்வேறு பிரிவுகளில் 16 மாடல்களில் நிறுவனத்தின் தயாரிப்புகள் விற்பனையாகின்றன. அதில், 20 சதவீதம் மட்டுமே மானேஸர் ஆலையில் ஒருங்கிணைக்கப்படுபவை. பெரும்பாலான தயாரிப்புகள் தாய்லாந்து மற்றும் பிரிட்டனிலிருந்து இறக்குமதியாகின்றன. இந்தியாவில் ஆலைகள் அமைக்கும் பணி மிக வேகமாக நடைபெற்று வருகிறது. வரும் 2018-ஆம் ஆண்டுக்குள் 90 சதவீத தயாரிப்புகளை இந்தியாவிலேயே தயாரித்து விற்பனை செய்யவுள்ளோம் என்றார் அவர்.