இருசக்கர வாகன தயாரிப்பில் ஈடுபட்டுள்ள ஹீரோ மோட்டோகார்ப் நிறுவனத்தின் தலைவர் பவன் முஞ்சாலுக்கு சென்ற நிதி ஆண்டுக்கு ரூ.59.66 கோடி ஊதியம் வழங்கப்பட்டது.
இதுகுறித்து அந்த நிறுவனத்தின் ஆண்டு அறிக்கையில் தெரிவிக்கப்பட்டுள்ளதாவது:
ஹீரோ மோட்டோகார்ப் நிறுவனத்தின் தலைவரும், நிர்வாக இயக்குநரும் மற்றும் தலைமைச் செயல் அதிகாரியுமான பவன் முஞ்சாலுக்கு சென்ற 2016-17-ஆம் நிதி ஆண்டுக்கு ஊதியமாக ரூ.59.66 கோடி வழங்கப்பட்டது. 2015-16-ஆம் நிதி ஆண்டில் வழங்கிய ஊதியத்துடன் ஒப்பிடுகையில் இது 3.94 சதவீதம் அதிகமாகும்.
ஹீரோ மோட்டோகார்பின் செயல் இயக்குநராக கடந்த ஆண்டு ஆகஸ்ட் 8-ஆம் தேதி பொறுப்பேற்ற விக்ரம் எஸ். காஸ்பிகருக்கு ரூ.2.22 கோடி ஊதியம் அளிக்கப்பட்டதாகவும் ஹீரோ மோட்டோகார்ப் நிறுவனம் அந்த அறிக்கையில் தெரிவித்துள்ளது.