ஹோண்டா கார்ஸ் இந்தியா உள்நாட்டில் சந்தைப் பங்களிப்பை அதிகரிக்க புதிய வியூகங்களை வகுத்து வருகிறது. அதன் ஒரு பகுதியாக நடப்பு நிதி ஆண்டிலேயே 3 புதிய மாடல்களில் கார்களை அறிமுகப்படுத்தும் பணிகளில் அந்நிறுவனம் தீவிரமாக களமிறங்கியுள்ளது.
கடந்த 2016-17 நிதி ஆண்டில் கார் விற்பனை 1,57,313-ஆக இருந்தது. ஹோண்டா எடுத்த சீரிய முயற்சிகளால், இது அடுத்த 2017 -18 நிதி ஆண்டில் 8 சதவீதம் அதிகரித்து 1,70,026-ஐத் தொட்டது. இந்த நிலையில் விற்பனை எண்ணிக்கையை பன் மடங்கு அதிகரிக்கத் அந்நிறுவனம் திட்டமிட்டுள்ளது.
இதற்காக, அடுத்த மாதத்தில் நவீன தொழில்நுட்பத்திலான புதிய ரக அமேஸ் காரை அறிமுகம் செய்யவுள்ளோம். அதன்பிறகு, இரண்டாவது அரையாண்டு காலத்தில் சொகுசு கார்களான சிஆர்-வி மற்றும் சிவிக் செடன் பிரிவில் 10-ஆம் தலைமுறைக்கான புதிய மாடல் அறிமுகமாகும் என்கிறார் அந்நிறுவனத்தின் மூத்த துணைத் தலைவரும் மற்றும் விற்பனை பிரிவு இயக்குநருமான ராஜேஷ் கோயல்.