பஜாஜ் ஃபைனான்ஸ் மூன்றாம் காலாண்டு லாபம் 36 சதவீதம் அதிகரித்தது.
இதுகுறித்து அந்த நிறுவனம் மும்பை பங்குச் சந்தைக்கு அளித்துள்ள அறிக்கையில் தெரிவித்துள்ளதாவது:
நடப்பு நிதி ஆண்டின் மூன்றாவது காலாண்டில் (அக்டோபர்-டிசம்பர்) பஜாஜ் ஃபைனான்ஸ் நிறுவனத்தின் வருவாய் ரூ.2,729.08 கோடியாக இருந்தது. கடந்த 2015-16 நிதி ஆண்டின் இதே கால அளவில் வருவாய் ரூ.2,069.62 கோடியாக காணப்பட்டது. நிகர வட்டி வருவாய் ரூ.1,320 கோடியிலிருந்து 33 சதவீதம் அதிகரித்து ரூ.1,749 கோடியாக காணப்பட்டது. இதையடுத்து, நிகர லாபம் ரூ.408.46 கோடியிலிருந்து 36 சதவீதம் அதிகரித்து ரூ.555.65 கோடியாக இருந்தது.
கடந்த டிசம்பர் மாத இறுதி நிலவரப்படி நிறுவனம் நிர்வகிக்கும் சொத்து மதிப்பு ரூ.43,452 கோடியிலிருந்து 33 சதவீதம் அதிகரித்து ரூ.57,605 கோடியாக இருந்தது என பஜாஜ் ஃபைனான்ஸ் அந்த அறிக்கையில் தெரிவித்துள்ளது.