மருந்து தயாரிப்பு துறையைச் சேர்ந்த சிப்லா நிறுவனம் இரண்டாம் காலாண்டில் ரூ.434.95 கோடி நிகர லாபம் ஈட்டியது.
இதுகுறித்து அந்தநிறுவனம் மும்பை பங்குச் சந்தைக்கு தெரிவித்துள்ளதாவது:
நடப்பு 2017-18 நிதி ஆண்டின் ஜூலை முதல் செப்டம்பர் வரையிலான இரண்டாம் காலாண்டில் நிறுவனத்தின் மொத்த வருவாய் ரூ.4,195.74 கோடியாக இருந்தது. கடந்த நிதி ஆண்டில் மொத்த வருவாய் ரூ.3,778.25 கோடியாக இருந்தது. நிகர லாபம் ரூ.369.64 கோடியிலிருந்து அதிகரித்து ரூ.434.95 கோடியாக இருந்தது. புதிதாக சரக்கு மற்றும் சேவை வரி அமல்படுத்தப்பட்டுள்ளதால் கடந்த செப்டம்பருடன் நிறைவடைந்த காலாண்டு, அரையாண்டு காலத்தில் செயல்பாடுகளின் மூலம் ஈட்டிய வருவாயை கடந்தாண்டுடன் ஒப்பிட இயலாது என்று சிப்லா தெரிவித்துள்ளது.