தொலைத்தொடர்புத் துறையில் நிலவி வரும் கடும் போட்டியால் ஐடியா செல்லுலார் நிறுவனம் இரண்டாவது காலாண்டில் ரூ.1,106.8 கோடி இழப்பை சந்தித்துள்ளது.
இதுகுறித்து அந்த நிறுவனம் வெளியிட்ட செய்திக்குறிப்பில் தெரிவித்துள்ளதாவது:
நடப்பு நிதி ஆண்டின் ஜூலை-செப்டம்பர் வரையிலான இரண்டாவது காலாண்டில் ஐடியா செல்லுலார் நிறுவனம் ரூ.7,465.5 கோடி வருவாய் ஈட்டியது. கடந்த நிதி ஆண்டின் இதே கால அளவில் ஈட்டிய வருவாய் ரூ.9,300.23 கோடியுடன் ஒப்பிடும்போது இது 19.72 சதவீதம் சரிவாகும்.
இதையடுத்து, கடந்த நிதி ஆண்டில் ரூ.91.50 கோடி லாபம் ஈட்டியிருந்த நிலையில், நடப்பு நிதி ஆண்டில் நிறுவனம் ரூ.1,106.8 கோடி நிகர இழப்பைச் சந்தித்துள்ளது என ஐடியா செல்லுலார் அந்த செய்திக்குறிப்பில் தெரிவித்துள்ளது.