சீமென்ஸ் நிறுவனத்தின் நான்காம் காலாண்டு லாபம் 74.94 சதவீதம் சரிவடைந்தது.
அக்டோபர்-செப்டம்பர் கால அளவை நிதி ஆண்டாக கொண்டு செயல்பட்டு வரும் அந்த நிறுவனம் மும்பை பங்குச் சந்தைக்கு அளித்துள்ள அறிக்கையில் தெரிவித்துள்ளதாவது: ஜூலை முதல் செப்டம்பர் வரையிலான நான்காவது காலாண்டில் சீமென்ஸ் நிறுவனத்தின் வருவாய் 2.54 சதவீதம் சரிவடைந்து ரூ.3,204.8 கோடியானது. இதற்கு முந்தைய நிதி ஆண்டில் வருவாய் ரூ.3,288.46 கோடியாக இருந்தது. சொத்துகளை விற்று அசாதாரணமான வகையில் கிடைக்கும் வருவாய் ரூ.2,992.32 கோடியிலிருந்து குறைந்து ரூ.560.3 கோடியானது. இதன் காரணமாக தனிப்பட்ட நிகர லாபம் ரூ.2,489.62 கோடியிலிருந்து 74.94 சதவீதம் சரிந்து ரூ.623.77 கோடியானது. பங்கு ஒன்றுக்கு ரூ.7 ஈவுத் தொகை வழங்குவதாக சீமென்ஸ் அந்த அறிக்கையில் தெரிவித்துள்ளது.