பஜாஜ் ஆட்டோ இரண்டாம் காலாண்டில் ரூ.1,193.58 கோடி லாபம் ஈட்டியது.
இதுகுறித்து அந்த நிறுவனம் பங்குச் சந்தைக்கு அளித்துள்ள அறிக்கையில் தெரிவித்துள்ளதாவது:
பஜாஜ் ஆட்டோ நிறுவனம் சென்ற செப்டம்பருடன் முடிவடைந்த இரண்டாம் காலாண்டில் ரூ.6,863.61 கோடி வருவாய் ஈட்டியது. கடந்த நிதி ஆண்டின் இதே காலாண்டில் ஈட்டிய வருவாய் ரூ.6,775.03 கோடியுடன் ஒப்பிடுகையில் இது அதிகமாகும்.
நிகர லாபம் ரூ.1,200.72 கோடியிலிருந்து சற்று குறைந்து ரூ.1,193.58 கோடியாக இருந்தது.
நடப்பு நிதி ஆண்டின் இரண்டாம் காலாண்டில் பஜாஜ் ஆட்டோ 10,71,510 வாகனங்களை விற்பனை செய்தது. கடந்த ஆண்டு விற்பனையான 10,31,945 வாகனங்களுடன் ஒப்பிடுகையில் இது 4 சதவீதம் அதிகமாகும் என பஜாஜ் ஆட்டோ அந்த அறிக்கையில் தெரிவித்துள்ளது.