ரிலையன்ஸ் பவர் நிறுவனத்தின் நான்காம் காலாண்டு லாபம் 16 சதவீதம் அதிகரித்தது.
இதுகுறித்து அந்த நிறுவனம் வெளியிட்ட அறிக்கையில் தெரிவித்துள்ளதாவது:
சென்ற 2017-18 நிதி ஆண்டின் நான்காவது காலாண்டில் நிறுவனத்தின் செயல்பாடுகள் மூலமாக கிடைத்த வருவாய் ரூ.2,400.58 கோடியாக இருந்தது. 2016-17 நிதி ஆண்டில் ஈட்டிய வருவாய் ரூ.2,596.5 கோடியுடன் ஒப்பிடுகையில் இது குறைவான அளவு.
நிகர லாபம் ரூ.215.9 கோடியிலிருந்து 16 சதவீதம் அதிகரித்து ரூ.250.47 கோடியானது.
சென்ற 2017-18 முழு நிதி ஆண்டில் நிறுவனத்தின் விற்றுமுதல் ரூ.10,891.68 கோடியிலிருந்து சரிந்து ரூ,10,122.9 கோடியாகவும், நிகர லாபம் ரூ.1,104.16 கோடியிலிருந்து குறைந்து ரூ.1,034.81 கோடியாகவும் இருந்தது என ரிலையன்ஸ் பவர் அந்த அறிக்கையில் தெரிவித்துள்ளது.