கரூர் வைஸ்யா வங்கியின் மொத்த வணிகம் கடந்த 9 மாதங்களில் ரூ. 1,01,955 கோடியை எட்டியுள்ளது.
இதுதொடர்பாக வங்கியின் மேலாண்மை இயக்குநர் சேஷாத்திரி வெளியிட்ட செய்திக்குறிப்பு:
கரூர் வைஸ்யா வங்கி ஸ்திரமான அடித்தளத்தோடு, கூடுதலான வணிகம் செய்து வளர்ச்சியோடு லாபத்தையும் ஈட்டியுள்ளது. வங்கியின் மொத்த வட்டி வருவாய் கடந்த 9 மாத இறுதியில் ரூ. 161 கோடி உயர்ந்து, 1,655 கோடியாகியுள்ளது. இது 10.78 சதவீத வளர்ச்சி. வங்கியின் இதர வருவாய் ரூ. 550 கோடியில் இருந்து ரூ.691 கோடியாக உயர்ந்துள்ளது. இது 25.64 சதவீத வளர்ச்சி. வங்கியின் நிகர லாபம் 9 மாதத்தில் ரூ. 295 கோடியாக உயர்ந்துள்ளது. வங்கியின் செயல்பாட்டு லாபம் ரூ. 1,298 கோடியாக அதிகரித்துள்ளது. வங்கியின் மொத்த வணிகம் ரூ.1,01, 955 கோடியை எட்டியுள்ளது.
வங்கியின் வைப்புத்தொகை ரூ. 57,119 கோடியாகவும், வழங்கிய கடன் ரூ. 44,836 கோடியாக உள்ளது என அந்த செய்திக்குறிப்பில் தெரிவிக்கப்பட்டுள்ளது.