கிராம்டன் கிரீவ்ஸ் கன்ஸ்யூமர் எலக்ட்ரிக்கல் நிறுவனம் டிசம்பர் காலாண்டில் ரூ.69.50 கோடி லாபம் ஈட்டியது.
இதுகுறித்து அந்த நிறுவனம் மும்பை பங்குச் சந்தைக்கு தெரிவித்துள்ளதாவது:
கிராம்டன் கிரீவ்ஸ் நிறுவனம் நடப்பு நிதி ஆண்டின் அக்டோபர் முதல் டிசம்பர் வரையிலான மூன்றாம் காலாண்டில் ரூ.944.81 கோடி வருவாய் ஈட்டியது. கடந்த நிதி ஆண்டின் இதே கால அளவில் வருவாய் ரூ.909.64 கோடியாக இருந்தது.
எலக்ட்ரிக் சாதனங்கள் மூலமான விற்பனை வருவாய் ரூ.611.69 கோடியாகவும், விளக்குகள் வர்த்தகத்தின் வாயிலாக கிடைத்த வருவாய் ரூ.326.50 கோடியாகவும் இருந்தது.
நிகர லாபம் ரூ.54.35 கோடியிலிருந்து 27.9 சதவீதம் அதிகரித்து ரூ.69.50 கோடியானது என்று கிராம்டன் கிரீவ்ஸ் அந்த அறிக்கையில் தெரிவித்துள்ளது.