சாம்சங் கேலக்ஸி ஏ9 அறிமுகம்

சாம்சங் நிறுவனம் கேலக்ஸி ஏ9 வகை ஸ்மார்ட்போனை இந்திய சந்தைகளில் செவ்வாய்க்கிழமை அறிமுகப்படுத்தியது. 
இதுகுறித்து சாம்சங் இந்தியா நிறுவனத்தின் பொது மேலாளர் (செல்லிடப்பேசி வர்த்தகம்) ஆதித்யா பாபர் கூறியதாவது:
இந்திய பிரிமியம் ஸ்மார்ட்போன் சந்தையில் வலுவான இடத்தை தக்க வைத்துக் கொள்ளும் வகையில் சாம்சங் கேலக்ஸி ஏ9 ஸ்மார்ட்போன் அறிமுகப்படுத்தப்பட்டுள்ளது.
இப்புதிய ரக ஸ்மார்ட்போன் 6.3 அங்குல திரை, 24 எம்பி முன்பக்க கேமராவுடன் சேர்த்து நான்கு கேமரா, ஆக்டா-கோர் பிராசஸர், 128 ஜிபி உள்நினைவக திறன் (512 ஜிபி வரையில் நீடித்துக் கொள்ளத்தக்கது), 3,800 எம்ஏஹெச் பேட்டரி உள்ளிட்ட வசதிகளை உள்ளடக்கியது. 6ஜிபி மற்றும் 8ஜிபி ரேம் என இருவகைகளில் இப்புதிய மாடல் அறிமுகப்படுத்தப்பட்டுள்ளது. இதன் விலை ரூ.36,990-ஆகும் என்றார் அவர்.