2006-ல் ஸ்டாலின் தெலுங்குப் படத்தில் நடித்தார் குஷ்பு. அடுத்தவருடம் Yamadonga படத்தில் கெளரவ வேடத்தில் நடித்தார். பிறகு பலவருடங்கள் கழித்து சம்திங் சம்திங் படத்திலும் கெளரவ வேடத்தில் நடித்தார். அவ்வளவுதான். தன்னுடைய கடைசிப் படமாக ஸ்டாலின் படத்தைச் சொல்லிவந்த குஷ்பு, இப்போது 10 வருடங்களுக்குப் பிறகு மீண்டும் தெலுங்குப் படத்தில் நடித்துவருகிறார்.
பவன் கல்யான், கீர்த்தி சுரேஷ் நடிக்கும் பெயரிடப்படாத படத்தில் குஷ்புவும் இடம்பெற்றுள்ளார். முதல்நாள் படப்பிடிப்பு முடிந்தபிறகு ட்விட்டரில் இவ்வாறு கூறினார்: காலை வணக்கம் ஹைதராபாத். பவன் கல்யாண் - த்ரிவிக்ரம் படத்தின் படப்பிடிப்பில் உள்ளேன். பள்ளிக்கு முதல் நாள் செல்வதுபோல உள்ளது. கற்றுக்கொள்ள நிறைய உள்ளது என்றார்.
தமிழில் சமீபத்தில் ஆம்பள, அரண்மனை 2 என்கிற படங்களில் நடித்திருந்தார் குஷ்பு.