பிரபாஸ், ராணா டகுபதி, அனுஷ்கா, தமன்னா, சத்யராஜ், ரம்யா கிருஷ்ணன் போன்றோர் நடிப்பில் தெலுங்கு, தமிழ், மலையாளம், ஹிந்தி ஆகிய மொழிகளில் உருவாகியுள்ள படம் - 'பாகுபலி தி கன்க்ளூஷன்’ (பாகுபலி 2). இந்தப் படம், ஏப்ரல் 28 அன்று வெளிவருகிறது.
இந்தப் படம் தற்போது தணிக்கை செய்யப்பட்டுள்ளது. 2 மணி நேரம் 48 நிமிடங்கள் ஓடக்கூடிய பாகுபலி 2, தமிழ்ப் பதிப்பில் யு/ஏ சான்றிதழ் பெற்றுள்ளது.
யு/ஏ சான்றிதழ் பெற்றுள்ளதால் பாகுபலி 2 படத்துக்குத் தமிழ்நாட்டில் வரிச்சலுகை கிடைக்க வாய்ப்பில்லை. இதனால் படக்குழு எதிர்பார்க்கும் வசூலில் மாற்றம் ஏற்படும் எனத் தெரிகிறது.
ஆனால் இதுவரையிலான அசத்தலான முன்பதிவைப் பார்க்கும்போது தெலுங்கு, ஹிந்திப் பதிப்புகளுக்கு நிகரான வசூலைத் தமிழ்ப் பதிப்பிலும் அள்ளும் என்கிற எதிர்பார்ப்பு ஏற்பட்டுள்ளது.