பாகுபலி 2 நாளை வெளியாகிறது. நாளை முதல் பட வசூல் குறித்த சாதனைகளும் தொடர்ந்து வெளியாகி அனைவரையும் ஆச்சர்யப்படுத்தப்போவது உறுதி.
அமெரிக்காவில் பாகுபலி 2 படத்தை கிரேட் இந்தியா ஃபிலிம்ஸ் வெளியிடுகிறது. அங்கு முன்பதிவிலேயே பாகுபலி 2 படம் சாதனை செய்துள்ளதாக அந்நிறுவனம் அறிவித்துள்ளது.
முதல் நாளுக்கான முன்பதிவில் ஏற்கெனவே ரூ. 19 கோடி (3 மில்லியன் டாலர்) கிடைத்துள்ளது, இது எந்த இந்தியப் படத்துக்கும் முன்பதிவில் கிடைக்காத ஒரு வசூல் என்று அந்நிறுவனம் அறிக்கை வெளியிட்டுள்ளது. மற்றும் ஒவ்வொரு மணி நேரத்துக்கும் ரூ. 64 லட்சம் மதிப்புக்கு ($100,000) டிக்கெட்டுகள் முன்பதிவு செய்யப்படுகின்றனவாம்.
உலகம் முழுக்க 9000 திரையரங்குகளில் நாளை வெளியாகிறது பாகுபலி 2. இந்தியாவில் தெலுங்கு, தமிழ், ஹிந்தி, மலையாளம் ஆகிய மொழிகளில் 6500 திரையரங்குகளில் வெளியாகிறது.