ஷாருக் தனது ‘ரயீஷ்’ பட புரமோஷனுக்காக டெல்லியில் இருந்து மும்பை வரை ரயிலிலேயே பிரயாணம் செய்யவிருப்பது தான் இப்போதைய பாலிவுட் ஸ்பெஷல் ‘ஹீரோ டிரெண்ட்’. ஒவ்வொரு ஸ்டேஷனில் ரயில் நிற்கும் போதும் ஷாருக் தனது ரசிகர்களைச் சந்திப்பாராம். இது ஷாரூக் தனது ரசிகர்களுக்க்காக திட்டமிட்ட சர்ப்ரைஸ் விஸிட். அதிருக்கட்டும்; இதென்ன ஷாருக் திடீரென்று இப்படி கிளம்பி விட்டாரே என்று நினைப்பவர்கள் இருந்தால் அவர்கள் ஷாருக்கான் இதுவரை நடித்த திரைப்படங்கள் அத்தனையையும் ஒருமுறை நினைவிலோட்டிப் பார்க்கவும்; பெரும்பாலான திரைப்படங்களில் ஷாருக்குக்கும், ரயிலுக்கும் மிக நெருக்கமான பந்தம் இருக்கும்.
ஷாருக்குக்கும் ரயிலுக்கும் இருக்கும் பந்தத்தை இந்தப் படத்தின் புரமோஷன் ட்ரிப் வாயிலாகவும் மீண்டும் ஒருமுறை மெய்பித்திருக்கிறார்.
‘குச், குச் கோத்தா ஹை’ படத்தின் கிளைமாக்ஸ் காட்சியில் கஜோலுக்காக ரயிலில் இருந்து ஷாருக் கை நீட்டுவது அப்படத்தின் மோஸ்ட் ரொமாண்டிக் சிக்னேச்சர் ஸீன்.
‘மெயின் ஹூன் நா’ திரைப்படத்தில் ஷாருக் அறிமுகமே ரயில்வே பிளாட்பாரத்தில் தான் தொடங்கும்.
‘சென்னை எக்ஸ்பிரஸ்’ படமே முக்கால்வாசி ரயிலில் எடுக்கப் பட்டது தான்.
‘உயிரே’ படத்தில் ஓடிக் கொண்டிருக்கும் ரயிலின் முதுகில் நின்று கொண்டு ஷாருக் மற்றும் மலாய்க்கா ஆடும் தைய்ய, தைய்ய, பாடலை யாரும் மறந்திருக்க வாய்ப்பில்லை.
இப்படி ரயிலை தான் நடித்த பெரும்பாலான திரைப்படங்களில் அதிர்ஷ்ட அடையாளமாகக் கடந்து வந்த ஷாருக் தனது புதுப்பட புரமோஷனை ரயில் பிரயாணமாகவே திட்டமிட்டதில் ஆச்சரியமே இல்லை