டாடா ஸ்கை நிறுவனத்தின் தென்னிந்தியாவுக்கான விளம்பரத் தூதராக நடிகை நயன்தாரா நியமிக்கப்பட்டுள்ளார்.
இதையடுத்து நயன்தாரா நடிப்பில் உருவாகியுள்ள டாடா ஸ்கை-யின் விளம்பரங்கள் வெளியிடப்பட்டுள்ளன. தமிழ், தெலுங்கு, மலையாளம், கன்னடம் என நான்கு மொழிகளில் இந்த விளம்பரம் படமாக்கப்பட்டுள்ளது.
இதுகுறித்து நயன்தாரா கூறியதாவது: டாடா ஸ்கை போன்ற பெரிய நிறுவனத்தின் விளம்பரத் தூதராக நியமிக்கப்பட்டதற்கு மகிழ்ச்சியும் பெருமையும் அடைகிறேன். டாடா ஸ்கையின் விளம்பரங்களை எப்போதும் நான் ரசித்துள்ளேன் என்று கூறியுள்ளார்.
தென்னிந்தியாவுக்கான விளம்பரத் தூதராக நயன்தாராவை நியமித்துள்ள டாடா ஸ்கை, நாட்டின் இதரப் பகுதிகளுக்கான விளம்பரத் தூதராக அமிதாப் பச்சனை நியமித்துள்ளது.