தனுஷ் இயக்குநராக அறிமுகமாகும் பவர் பாண்டி படத்தின் டிரெய்லர் நேற்று வெளியிடப்பட்டது. இதற்கு சிம்பு வாழ்த்து தெரிவித்துள்ளார்.
ராஜ்கிரண் கதாநாயகனாக நடிக்கும் இப்படம் வரும் ஏப்ரல் 14-ம் தேதி வெளியாக உள்ளது. தனுஷின் வுண்டர்பார் நிறுவனம் தயாரித்துள்ள இப்படத்துக்கு ஷான் ரோல்டன் இசையமைத்துள்ளார். வேல்ராஜ் ஒளிப்பதிவு. இப்படத்தின் கதைக்களம், அதிரடி சண்டைக் காட்சி கலைஞர் ஒருவரைப் பற்றிய கதையாகும்.
இந்தப் படத்தின் டிரெய்லர் நேற்று வெளியானது. இந்நிலையில் இயக்குநராக அறிமுகமாகியுள்ள தனுஷுக்கு அவருடைய போட்டியாளராகக் கருதப்படும் சிம்பு வாழ்த்து தெரிவித்துள்ளார். வாழ்த்துகள் இயக்குநர் சார். உங்களுடைய குழுவுக்கு என்னுடைய வாழ்த்துகள். மிக்க மகிழ்ச்சி என்று ட்வீட் செய்துள்ளார்.