ஆர்.கே. நகரில் பிரசாரத்தை ஆரம்பித்துள்ளார் கங்கை அமரன். இதற்கு வாழ்த்து ட்வீட் வெளியிட்ட ஆடை வடிவமைப்பாளரும் இளையராஜாவின் சகோதரர் ஆர்.டி. பாஸ்கரின் மகளுமான வாசுகி பாஸ்கர், அந்த ட்வீட்டுடன் அவர்களது குடும்ப உறுப்பினர்களையும் டேக் செய்திருந்தார். அதில் யுவன் ஷங்கர் ராஜாவும் ஒருவர்.
ஆனால் இதற்கு உடனே மறுப்பு தெரிவித்துள்ளார் யுவன். வாசுகிக்கு அளித்த பதிலில், நான் இதை ஆதரிக்கவில்லை என்று ட்வீட் செய்தார். இதனால் சமூகவலைத்தளத்தில் பரபரப்பு ஏற்பட்டது. இஸ்லாமியராக மத மாற்றம் செய்துகொண்ட யுவன், பிஜேபி வேட்பாளராக உள்ள கங்கை அமரனுக்கு ஆதரவளிப்பது சரியாக இருக்காது என்பதால் அவர் இதுபோல பதில் அளித்துள்ளார் என்று கூறப்படுகிறது. ஆனால் அது காரணமல்ல, இளையராஜா - எஸ்பிபி விவகாரத்தில் தன் தந்தையைக் கடுமையாகச் சாடியதால் இப்போது கங்கை அமரனுக்கு ஆதரவளிக்க யுவன் மறுத்துள்ளார் என்றும் இன்னொரு கருத்து உலவுகிறது. கங்கை அமரனின் பிரசாரத்துக்கு ஆதரவளிக்கவில்லை என்று மட்டுமே யுவன் கூறியுள்ளார். காரணத்தை இதுவரை கூறவில்லை.
தனது ட்வீட் சர்ச்சையை ஏற்படுத்தியதால் பிறகு அதை நீக்கிவிட்டார் வாசுகி பாஸ்கர்.