விக்ரம் நடித்து வரும் "ஸ்கெட்ச்' படத்தின் கதைக் களம் வடசென்னையைப் பின்னணியாகக் கொண்டு உருவாக்கப்பட்டுள்ளது. வாலு பட இயக்குநர் விஜய் சந்தர் இயக்கத்தில் தமன் இசையமைக்கிறார்.
வட சென்னையைப் பற்றி ஏற்கெனவே வந்த படங்கள் எல்லாம் அந்தப் பகுதி மக்களை படிப்பறிவு இல்லாத பாமரர்கள், ஏழைகள் என்றுதான் கூறி உள்ளன. வட சென்னையில் படித்த டாக்டர்கள், வக்கீல்கள் என்று உயர்மட்ட மக்களும் இருக்கிறார்கள். அப்படி ஒருவரின் பின்னணிதான் கதைக்களம். காதல், ஆக்ஷன், நகைச்சுவை கலந்த கமர்ஷியல் படமாக உருவாகி வரும் இப்படத்தின் கதாநாயகியாக தமன்னா நடிக்கிறார்.
படப்பிடிப்புத்தளத்தில் ஸ்கெட்ச் படம் தொடர்பாக எடுத்த சிறிய வீடியோ ஒன்றை தமன்னா தன்னுடைய ட்விட்டர் பக்கத்தில் வெளியிட்டுள்ளார்.