இசையமைப்பாளர் யுவன் சங்கர் ராஜாவின் இணை தயாரிப்பில் உருவாகும் பியார் பிரேமா காதல் என்கிற படத்தில் பிக் பாஸ் தொலைக்காட்சி நிகழ்ச்சி மூலமாகப் புகழ்பெற்ற ஹரிஷ் கல்யாண், ரைஸா ஆகிய இருவரும் ஜோடியாக நடிக்கிறார்கள்.
இளன் இயக்கும் இப்படத்துக்கு இசை - யுவன் சங்கர் ராஜா. தயாரிப்பு – எஸ்.என். ராஜராஜன், யுவன் சங்கர் ராஜா.
காதலை ஹிந்தியில் பியார் என்றும் தெலுங்கில் பிரேமா என்றும் தமிழில் காதல் என்று சொல்வதால் இந்தத் தலைப்பை வைத்திருக்கிறோம் என்கிறார் இயக்குனர் இளன்.
இந்நிலையில் இப்படத்தின் முதல் தோற்ற போஸ்டர்கள் வெளியிடப்பட்டுள்ளன.
