இன்னும் பெயரிடப்படாத இருமொழிப் படமொன்றின் (பைலிங்குவல்) மூலமாக தெலுங்கு ஹாட் ஸ்டார் அல்லு அர்ஜூன் தமிழ் பேசவிருக்கிறாராம். அதாவது நேரடித் தமிழ்ப் படமொன்றின் மூலமாகத் தனக்கிருக்கும் தமிழ் ரசிகர்களை மேலும் அதிகரிக்கத் திட்டமிட்டிருக்கிறாராம் அக்கட பூமியின் அதிரடி ஸ்டார் அல்லு அர்ஜூன். இந்தப் படத்தில் அல்லு அர்ஜூனை இயக்கவிருப்பது இயக்குனர் லிங்குசாமி!
முன்னதாக இயக்குனர் லிங்குசாமி, சூர்யா, சமந்தா நடிப்பில் தமிழில் வெளியான ‘ அஞ்சான்’ படத்தை தெலுங்கில், ‘சூர்யா’ஸ் சிக்கந்தர்’ என்ற பெயரில் மொழிமாற்றம் செய்து வெளியிட்டு டோலிவுட்டில் தனது புது வருகையைப் பதிவு செய்துள்ளார் என்பது குறிப்பிடத்தக்கது.
அதைத் தொடர்ந்து, தற்போது தமிழ் மற்றும் தெலுங்கில் பிரபல ஹீரோக்கள் இருவரை மையமாக வைத்து லிங்குசாமி இயக்கத்தில் இருமொழிப் படமொன்று வெளிவரவிருப்பதாகவும், அதில் ஒரு நாயகன் அல்லு அர்ஜூன் எனவும் செய்திகள் வெளிவந்துள்ள நிலையில் இன்னமும் அதிகாரப்பூர்வமான அறிவிப்புகள் லிங்குசாமி தரப்பிலிருந்தோ அல்லது அல்லு அர்ஜூன் தரப்பிலிருந்தோ வெளிவரவில்லை. கூடிய விரைவில் வெளிவரும் என்கிறது டோலிவுட் செய்திகள்.
தற்போது, வெளிவரவிருக்கும் தனது புதிய திரைப்படமான, ‘நா பேரு சூர்யா, நா இல்லு இந்தியா’ (என் பெயர் சூர்யா, என் வீடு இந்தியா) படத்தின் படப்பிடிப்பு முடிவடையும் தருவாயில் இருப்பதால் அதன் படப்பிடிப்புகளில் அல்லு அர்ஜூன் பிஸியாக இயங்கிக் கொண்டிருக்கிறார் என்கிறார்கள்.
இனி நான் தனி ஆள் இல்லை: நடிகை தன்ஷிகா உருக்கம்!
தெலுங்கு பிக் பாஸ்: போட்டியை வென்று ரூ. 50 லட்சம் தட்டிச்சென்ற நடிகர் சிவ பாலாஜி!
ஜூனியர் என்டிஆரின் ஜெய் லவ குசா படத்துக்குத் தமிழ்நாட்டிலும் நல்ல வசூல்!
சீக்கிரமே பெரியம்மாவாகப் போகிறார் காஜல் அகர்வால்!
காதலருடன் இலியானாவின் அதிரடி புகைப்படங்கள்!