ரஜினி - ஷங்கர் கூட்டணியில் உருவாகி வரும் 2.O படத்தை லைகா நிறுவனம் தயாரித்துவருகிறது. பட்ஜெட் - ரூ. 400 கோடி. ரஜினிக்கு இணையான கதாபாத்திரத்தில் பாலிவுட் நடிகர் அக்ஷய் குமார் நடித்துள்ளார். கதாநாயகி - ஏமி ஜாக்சன். ஏ.ஆர். ரஹ்மான் இசை அமைத்துள்ளார்.
2.0 படத்தின் இசை வெளியீட்டு விழா துபையில் நேற்று நடைபெற்றது. படத்தில் மூன்று பாடல்கள் உள்ளன. அவற்றில் இரு பாடல்கள் வெளியிடப்பட்டன. இந்த விழாவில் தனுஷின் குழந்தைகள் உள்ளிட்ட ரஜினியின் குடும்பத்தினர் அனைவரும் கலந்துகொண்டார்கள்.
வட சென்னை படத்தில் நடித்து வரும் தனுஷ், அந்தக் கதாபாத்திரத்தின் தோற்றத்துடன் விழாவில் கலந்துகொண்டார். விழாவில் பேசிய தனுஷ், இந்திய சினிமாவின் பிரமாண்டமான பாடல் வெளியீட்டு விழா இதுதான் என்று கூறினார். விழாவில் பங்கேற்ற தனுஷின் புகைப்படங்கள் சமூகவலைத்தளங்களில் வெளியாகியுள்ளன.
