ஆரண்ய காண்டத்துக்குப் பிறகு சில வருட இடைவெளிக்குப் பிறகு, 'அநீதிக் கதைகள்' மூலம் மீண்டும் களத்தில் இறங்கியுள்ளார் இயக்குனர் தியாகராஜன் குமாரராஜா. 'அநீதிக்கதைகள்' படத்தில் விஜய் சேதுபதி, சமந்தா, பஹத் பாசில், ஆகியோர் நடிக்கிறார்கள். வினோத் ஒளிப்பதிவு செய்துவரும் இந்தப் படத்தில் காயத்ரி சமீபத்தில் முக்கிய வேடத்தில் நடிக்க ஒப்பந்தமாகியுள்ளார்.
'நடுவுல கொஞ்சம் பக்கத்த காணோம்', 'ரம்மி', 'புரியாத புதிர்' ஆகிய படங்களில் விஜய் சேதுபதியுடன் நடித்துள்ளார் காயத்ரி. தற்போது, 'ஒரு நல்ல நாள் பார்த்து சொல்றேன்', 'சீதக்காதி' ஆகிய படங்களிலும் விஜய் சேதுபதியுடன் நடித்து வருகிறார். விஜய் சேதுபதியுடன் அதிகமான முறை நடித்துள்ள நடிகை காயத்ரிதான். இந்தப்படத்தில் சில காட்சிகளில் விஜய் சேதுபதி பெண் வேடமிட்டு நடித்துள்ளாராம்.
தியாகராஜன் குமாரராஜாவின் அநீதிக்கதைகளை அவரது ரசிகர்கள் மட்டுமல்ல, திரைத்துறையினரும் கூட இப்படத்தை ஆவலுடன் எதிர்ப்பார்க்கிறார்கள் என்கிறது கோலிவுட் வட்டாரம்.