மகேஷ்பாபு நடிப்பில் உருவாகியுள்ள ஸ்பைடர் படத்தை ஏ.ஆர்.முருகதாஸ் இயக்கியுள்ளார். தெலுங்கு மற்றும் தமிழில் உருவாகியுள்ள இப்படத்தில் ரகுல் ப்ரீத் சிங், எஸ்.ஜே.சூர்யா, பரத், ஆர்.ஜே.பாலாஜி உள்ளிட்ட பலர் நடித்துள்ளார்கள். இப்படத்துக்கு ஹாரிஸ் ஜெயராஜ் இசையமைத்துள்ளார். சந்தோஷ் சிவன் ஒளிப்பதிவு செய்துள்ள படத்தை என்.வி.பிரசாத் மற்றும் தாகூர் மது தயாரித்துள்ளார்கள்.
இந்நிலையில் ஸ்பைடர் படப்பாடல் வெளியீட்டு விழா சனிக்கிழமையன்று சென்னையில் நடைபெற்றது. சென்னையில் நடைபெற்ற விழாவில் மகேஷ் பாபு, முருகதாஸ், ரகுல் ப்ரீத் சிங் உள்ளிட்ட படக்குழுவினர் கலந்துகொண்டார்கள்.