மணி ரத்னத்தின் இயக்கும் அடுத்தப் படத்தில் ஒரு பெரிய நட்சத்திரக் கூட்டம் இடம்பெறவுள்ளது. இதற்கான அதிகாரபூர்வ அறிவிப்பு வெளியிடப்பட்டுள்ளது.
இதுகுறித்து வெளியிடப்பட்டுள்ள செய்திக்குறிப்பில் கூறப்பட்டுள்ளதாவது:
மெட்ராஸ் டாக்கீஸ் நிறுவனத்தின் 17வது தயாரிப்பில், அரவிந்த்சாமி, சிம்பு, விஜய் சேதுபதி, ஃபகத் ஃபாசில், ஜோதிகா, ஐஸ்வர்யா ராஜேஷ் உள்ளிட்ட பலர் நடிக்கின்றனர். இயக்கம்: மணிரத்னம், இசை: ஏ.ஆர்.ரஹ்மான். ஒளிப்பதிவு: சந்தோஷ் சிவன், படத்தொகுப்பு: ஸ்ரீகர் பிரசாத். பிரமாண்டமான பொருட்செலவில் தயாரிக்கத் திட்டமிடப்பட்டுள்ள இப்படத்தின் படப்பிடிப்பு, எதிர்வரும் ஜனவரி மாதம் துவங்கி தொடர்ந்து நடைபெறவிருக்கிறது என்று அந்த அறிக்கையில் கூறப்பட்டுள்ளது.