ஜூனியர் என்டிஆரின் ஜெய் லவ குசா: 6 நாள்களில் ரூ. 100 கோடி வசூல்!

உலகம் முழுக்க 4000 திரையரங்குகளில் வெளியான இந்தப் படம் 6 நாள்களில்...
ஜூனியர் என்டிஆரின் ஜெய் லவ குசா: 6 நாள்களில் ரூ. 100 கோடி வசூல்!

ஜூனியர் என்டிஆர், ராஷி கண்ணா, நிவேதா தாமஸ் நடிப்பில் பாபி (கேஎஸ் ரவிந்திரா) இயக்கத்தில் கடந்த வியாழன் அன்று வெளியான படம் - ஜெய் லவ குசா.

ரசிகர்களால் மிகவும் எதிர்பார்க்கப்பட்ட இந்தப் படம் வசூலில் சாதனை படைத்து வருகிறது. 

முதல் நாளன்று உலகம் முழுக்க ரூ. 47 கோடி வசூலித்த ஜெய் லவ குசா, 6 நாள்களில் ரூ. 100 கோடி வசூலை எட்டி சாதனை படைத்துள்ளது. உலகம் முழுக்க 4000 திரையரங்குகளில் வெளியான இந்தப் படம் 6 நாள்களில் மொத்தமாக ரூ. 103 கோடி வசூலித்துள்ளது. ஆந்திரா, தெலங்கானாவில் மட்டும் இந்த 6 நாள்களில் ரூ. 71 கோடி வசூலித்துள்ளது. அடுத்ததாக கர்நாடகாவில் ரூ. 12 கோடியும் அமெரிக்காவில் ரூ. 9.50 கோடியும் வசூலித்து மெகா வெற்றி பெற்றுள்ளது. இந்த 6 நாள்களில் தமிழ்நாட்டில் இப்படத்துக்குக் கிடைத்த வசூல் - ரூ. 2.50 கோடி. 

ஜெய் லவ குசா படத்தின் இந்த வெற்றி குறித்து ஜூனியர் என்டிஆர் ட்விட்டரில் கூறியதாவது: இந்தப் படத்துக்கு நீங்கள் காண்பித்துள்ள ஆதரவு திருப்தியாக உள்ளது. இதை விட சிறந்த ஒன்றை எதிர்பார்க்கமுடியாது என்றார்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com