கடந்த 2003-ம் ஆண்டு விக்ரம், த்ரிஷா நடிப்பில் வெளிவந்த படம் சாமி. ஹரி இயக்கத்தில் வெளிவந்த இப்படம், வசூல் ரீதியாக பெரும் வெற்றியைப் பெற்றது. இதையடுத்து இப்படத்தின் இரண்டாம் பாகம் குறித்த தகவல்கள் அவ்வப்போது வெளிவந்த வண்ணம் இருந்தன. இது தொடர்பாக பேச்சுவார்த்தை நடைபெற்று வருவதாகவும் விக்ரம் தெரிவித்திருந்தார். கடந்த சில மாதங்களுக்கு முன்பு இது குறித்த அதிகாரப்பூர்வ தகவலை வெளியிட்டு இருந்தார் இயக்குநர் ஹரி. விக்ரம் ஜோடியாக த்ரிஷாவுடன், கீர்த்தி சுரேஷும் ஒப்பந்தம் செய்யப்பட்டார். பாபி சிம்ஹா. பிரபு, சூரி ஆகியோரும் நடிக்கவுள்ளார்கள். இசை - தேவி ஸ்ரீ பிரசாத்.
இந்நிலையில் சாமி 2 படத்தின் படப்பிடிப்பு இன்று தொடங்கியுள்ளது.
