இந்தியன் 2 படத்தில் இணையும் கமல் & ஷங்கர்: அதிகாரபூர்வ அறிவிப்பு

21 வருடங்களுக்குப் பிறகு, இந்தியன் 2 படத்துக்காக ஷங்கர், கமல் ஆகிய இருவரும் மீண்டும் இணைந்துள்ளார்கள்...
இந்தியன் 2 படத்தில் இணையும் கமல் & ஷங்கர்: அதிகாரபூர்வ அறிவிப்பு

1996-ல் ஷங்கர் இயக்கத்தில் கமல் நடிப்பில் வெளிவந்த படம் - இந்தியன். சுதந்தரப் போராட்டத் தியாகி, லஞ்சத்தை எதிர்த்து மேற்கொள்ளும் நடவடிக்கைகள் படத்தின் மையக்கருவாக அமைந்தன. இந்நிலையில் இந்தியன் 2 படத்துக்காக ஷங்கர், கமல் ஆகிய இருவரும் மீண்டும் இணைந்துள்ளார்கள். 

இந்தியன் படம் மூன்று தேசிய விருதுகளைப் பெற்றது. சிறந்த நடிகருக்கான விருதை கமல் பெற்றார். சிறந்த கலை இயக்கத்துக்காக தோட்டா தரணிக்கும் சிறந்த ஸ்பெஷல் எஃபெக்ட்ஸுக்காக வெங்கிக்கும் தேசிய விருதுகள் கிடைத்தன. மேலும் இந்தப் படம் இந்தியாவின் சார்பாக ஆஸ்கருக்கும் பரிந்துரை செய்யப்பட்டது.

இதன்பிறகு கமலும் ஷங்கரும் இணையும் சூழல் வந்தபோதும் அது நிறைவேறாத நிலையில் 21 வருடங்களுக்குப் பிறகு இருவரும் கைகோத்துள்ளார்கள். தெலுங்குத் திரைப்படத் தயாரிப்பாளர் தில் ராஜு, இவர்கள் கூட்டணியில் உருவாகும் இந்தியன் 2 படத்தைத் தயாரிக்கவுள்ளார். தமிழ், தெலுங்கு என இரு மொழிகளிலும் இப்படம் உருவாகவுள்ளது. 

இன்று விஜய் டிவியில் ஒளிபரப்பாகவுள்ள பிக் பாஸ் நிகழ்ச்சியின் இறுதிப்போட்டியில் இந்தியன் 2 குறித்த அறிவிப்பு வெளியாகவுள்ளது. இயக்குநர் ஷங்கர், தயாரிப்பாளர் ஆகியோருடன் இணைந்து இந்த அறிவிப்பை கமல் வெளியிடவுள்ளார். 

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com