விஜய் ஆண்டனி நடிக்கவுள்ள திமிரு புடிச்சவன் படத்தின் கதாநாயகியாக நிவேதா பெத்துராஜ் தேர்வாகியுள்ளார்.
விஜய் ஆண்டனி, முதல்முறையாக காவல்துறை அதிகாரியாக நடிக்கவுள்ள இந்தப் படத்தில் கணேஷா இயக்குநராக அறிமுகமாகிறார். நிவேதாவும் காவல்துறை அதிகாரி கதாபாத்திரத்தில் நடிக்கவுள்ளார் என இயக்குநர் கணேஷா தெரிவித்துள்ளார்.
ஒருநாள் கூத்து படம் மூலமாகத் தமிழ்த் திரையுலகில் அறிமுகமான நிவேதா பெத்துராஜ், பொதுவாக என் மனசு தங்கம், டிக் டிக் டிக் ஆகிய தமிழ்ப் படங்களிலும் மெண்டல் மதிலோ என்கிற தெலுங்குப் படமொன்றிலும் நடித்துள்ளார். இதுதவிர வெங்கட் பிரபு இயக்கி வரும் பார்ட்டி படத்திலும் நடித்துள்ளார்.