2004-ம் ஆண்டு பாலிவுட்டில் ஒரு சிறிய கதாபாத்திரத்தில் அறிமுகமாகிய காஜல் அகர்வால், தெலுங்கில் கதாநாயகியாக அறிமுகமாகி மஹதீரா உள்ளிட்ட பல படங்களில் நடித்து புகழ் பெற்றார். தமிழில் 'நான் மகான் அல்ல’படத்தை தொடர்ந்து மாற்றான், ஜில்லா மாரி, விவேகம், மெர்சல் உள்ளிட்ட பல படங்கள் அவருக்கு நல்ல பெயரைப் பெற்றுத் தந்த படங்களாகும்.
காஜல் அகர்வால் தெலுங்கு, தமிழ், இந்தி படங்களில் தொடர்ந்து நடித்து வந்தார். இதுவரை கிட்டத்தட்ட 50 படங்களில் நடித்துவிட்ட காஜல் கோலிவுட் மற்றும் டோலிவுட்டில் முன்னணி நாயகியாக உள்ளார். 32 வயதாகும் காஜலுக்கு அவரது பெற்றோர்கள் விரைவில் திருமணம் செய்துவைக்க திட்டமிட்டு உள்ளதாக தகவல் வெளியாகி உள்ளது. காஜலின் தங்கை நிஷா அகர்வாலுக்கு 2013-ம் ஆண்டு திருமணம் நடந்து அவருக்கு ஒரு ஆண் குழந்தையும் உள்ளது.
காஜல் அகர்வாலின் திருமணம் பெற்றோர் நிச்சயித்ததாக இருக்குமா அல்லது காதல் திருமணமா என்று தெரியாத நிலையில், காஜல் அகர்வால், மும்பையில் உள்ள இளம் தொழிலதிபரை காதலிக்கிறார் என்ற தகவல் வெளியானது. பெற்றோரின் சம்மதம் கிடைத்ததும் அவரை விரைவில் திருமணம் செய்து கொள்ள காஜல் அகர்வால் திட்டமிட்டுள்ளார் என்றும் பாலிவுட் வட்டாரங்கள் தெரிவிக்கின்றன.