நடிகர் அஜித் தற்போது விஸ்வாசம் படத்தில் பிஸியாக நடித்துக் கொண்டிருக்கிறார். ஜனவரி 3-ம் தேதி அவரது மகள் அனோஷ்காவின் பிறந்த தினத்தை அஜித் குடும்பம் எளிமையாகக் கொண்டாடினர்.
அனோஷ்காவின் பிறந்த நாளை முன்னிட்டு வீட்டினருக்கும் நண்பர்களுக்கும் பிரியாணி விருந்து அளித்தார் அஜித். தவிர, நீலாங்கரை அருகே உள்ள ஒரு குழந்தைகள் காப்பகத்துக்கும் பிரியாணி பார்சல் அனுப்பியுள்ளார்.
இது குறித்து அந்த குழந்தைகள் காப்பகத்தின் நிர்வாகி தனது ஃபேஸ்புக்கில் நெகிழ்ச்சியாக இந்தச் சம்பவத்தைப் பற்றிக் கூறியுள்ளார்.
இதை அறிந்த அஜித் ரசிகர்கள் தங்கள் தலயின் தங்க மனதை நினைத்து மகிழ்ந்து வாழ்த்துக்களை தெரிவித்தனர்.