பிரபல மாடலாக இருந்து லண்டனிலிருந்து கோலிவுட்டில் நடிக்க வந்தவர் எமி ஜாக்சன். மதராஸ பட்டினம், தாண்டவம், தங்க மகன், தெறி போன்ற படங்களில் நடித்து ரசிகர்களின் கவனத்தை வெகுவாகக் கவர்ந்தவர்.
2.0 படத்தில் சூப்பர் ஸ்டார் ரஜினிகாந்துடன் நடித்த எமி ஜாக்சனுக்கு டோலிவுட்டிலும் நல்ல வரவேற்பு இருந்து வந்தது. இந்நிலையில், சூப்பர் கேர்ள் எனும் ஆங்கில சீரியலில் நடிக்க அவருக்கு வாய்ப்பு கிடைத்தது. உடனடியாக எமி சென்னையிலிருந்து லாஸ் ஏஞ்சலஸுக்கு இடம் பெயர்ந்துவிட்டார். அதன்பின் முக்கியமான நிகழ்ச்சிகளில் கலந்து கொள்ள மட்டும் இந்தியாவுக்கு வர முடிவு செய்தார்.
தனது காதலருடன் எமி ஒரு புகைப்படத்தை இன்ஸ்ட்ராகிராமில் நேற்று வெளியிட்டுள்ளார். சில மணி நேரத்திலேயே அப்புகைப்படம் வைரலாகியது. அதற்கு முந்தைய புகைப்படத்தில் அன்றைய அவரது மெனுவில் இடம்பெறப்போவதாக இந்த மூன்று விஷயங்களைப் பட்டியல் இட்டிருந்தார். Today - Peace, Love, Pasta என்பதே அது. சில ரசிகர்கள் இந்தப் புகைப்படத்துக்கு வாழ்த்துக்களையும், சிலர் கண்டனங்களையும் பதிவு செய்தனர்.