தெலுங்கு பிக் பாஸ் 2 ஆரம்பமானது: 16 போட்டியாளர்களின் பட்டியல்! (புகைப்படங்கள் & விடியோ)
பிக் பாஸ் 2 நிகழ்ச்சி தமிழில் இந்த வார இறுதியில் ஆரம்பமாகவுள்ளது. இந்நிலையில் தெலுங்கில் நேற்று முதல் ஆரம்பமாகியுள்ளது.
முதல் பாகத்தை ஜூனியர் என்டிஆர் தொகுத்து வழங்கினார். முதல் தெலுங்கு பிக் பாஸ் நிகழ்ச்சி 71 நாள்களில் நிறைவுபெற்றது. நடிகர்கள் நவ்தீப், சிவ பாலாஜி, ஆதர்ஷ் பாலகிருஷ்ணா, சமீர், சம்பூர்ணேஷ் பாபு, தன்ராஜ், பிரின்ஸ் நடிகைகள் அர்ச்சனா, முமைத் கான், ஜோதி, ஹரி தேஜா, திக்ஷா பந்த், மாடலிங் துறையைச் சேர்ந்த கத்தி கார்த்திகா, பாடகிகள் மது ப்ரியா, கல்பனா ராகவேந்தர் மற்றும் மகேஷ் கத்தி என 16 பேர் இந்நிகழ்ச்சியில் பங்கேற்றார்கள். இறுதிச்சுற்றில் நடிகர் சிவ பாலாஜி வெற்றி பெற்று பரிசுத்தொகையான ரூ. 50 லட்சத்தைத் தட்டிச் சென்றார். கடந்த 14 வருடங்களாகத் திரைத்துறையில் உள்ள சிவ பாலாஜி தெலுங்கு, தமிழ் என இரு மொழிகளிலும் நடித்துள்ளார். இரண்டாம் இடம், நடிகர் ஆதர்ஷ் பாலகிருஷ்ணாவுக்குக் கிடைத்தது.
தெலுங்கு பிக் பாஸ் 2 நிகழ்ச்சிக்கு நடிகர் நானி தொகுப்பாளராகத் தேர்வு செய்யப்பட்டுள்ளார். ஸ்டார் மா தொலைக்காட்சியில் நேற்று முதல் ஒளிபரப்பாகி வரும் இந்த நிகழ்ச்சின் போட்டியாளர்கள் முதல் நாளன்று அறிமுகப்படுத்தப்பட்டார்கள்.
தெலுங்கு பிக் பாஸ் 2 நிகழ்ச்சியில் பங்குபெறும் 16 போட்டியாளர்களின் பட்டியல்:
1. கீதா மாதுரி (பாடகி)
2. அமித் திவாரி (நடிகர்)
3. தீப்தி நல்லமொது (டிவி9 தொகுப்பாளர்)
4. தனிஷ் (நடிகர்)
5. பாபு கோகினேனி (விமரிசகர்)
6. பானு ஸ்ரீ (நடிகை)
7. ரோல் ரிடா (ராப் பாடகர்)
8. ஷ்யாமளா (நடிகை)
9. கிரீத்தி தமாராஜூ (நடிகர்)
10. தீப்தி சுனைனா (டப்ஸ்மாஷ் கலைஞர்)
11. கெளசல் (நடிகர்)
12. தேஜஸ்வி (நடிகை)
13. சம்ரத் ரெட்டி (நடிகர்)
14. கணேஷ் (ஆர்ஜே)
15. சஞ்சனா அண்ணே (மாடல்)
16. நுதன் நாய்டு (சாமானியர்)