சமீபத்தில் வெளியான விஸ்வரூபம் 2 பட டிரெய்லர் மற்றும் போஸ்டர்களில் இசையமைப்பாளர் ஜிப்ரானின் பெயர், முகமது ஜிப்ரான் என்று இடம் பெற்றிருந்தது. இந்த மாற்றம் தொலைக்காட்சி விவாதமாகவும் மாறியுள்ளது.
தனியார் தொலைக்காட்சி விவாதம் ஒன்றில் விஸ்வரூபம் 2 - சர்ச்சைகளை வேண்டுமென்றே கிளப்புகிறாரா கமல் என்கிற தலைப்பில் விவாதம் நடைபெற்றது. இதில் இசையமைப்பாளர் ஜிப்ரானின் பெயர் முகமது ஜிப்ரானாக மாறியது குறித்தும் விவாதிக்கப்பட்டது.
அந்த விவாதத்தில் தொலைப்பேசி வழியாக ஜிப்ரான் அளித்த பேட்டியில் கூறியதாவது: என்னுடைய இந்தப் பெயர் மாற்றம் விவாதமாக மாறியிருப்பது அதிர்ச்சியாக உள்ளது. இது என் தனிப்பட்ட விஷயம். வாகை சூட வா படத்தின்போது என் பெயர் ஜிப்ரான் என்றுதான் இருந்தது. விஸ்வரூபம் பட வாய்ப்பு எனக்கு வந்தபோது நோன்பில் இருந்தேன். அதேபோல நோன்பின்போதும் விஸ்வரூபம் 2 பட டிரெய்லர் வெளியாகியுள்ளது.
கமல் சாருடன் இணைந்து பல படங்கள் பணிபுரிந்துள்ளது என் வாழ்வில் மிகப்பெரிய திருப்புமுனையாக அமைந்துள்ளது. இறைவனின் அருளில்தான் இது நடந்துள்ளது. எனவே என் விருப்பத்தின் பேரில் கடவுளுக்கான சமர்ப்பணமாக இந்தப் பெயரை வைத்துக்கொண்டுள்ளேன். ஆனால் இது இவ்வளவு தூரம் சர்ச்சையாகிறது என்கிறபோது என்ன சொல்வதென்று தெரியவில்லை. இது விஸ்வரூபம் 2 படத்துக்காக மாற்றிக்கொண்ட பெயர் அல்ல என்று பேட்டியளித்தார்.
விவாதத்தின் இணைப்பு: