மகளின் திறமையை ரசித்த நடிகர் விஜய் - வைரலாகும் புகைப்படம்

அமெரிக்காவில் நடைபெற்ற பாட்மின்டன் போட்டியில், தனது மகள் திவ்யா சாஷாவின் திறமையை ரசித்தார் நடிகர் விஜய்.
மகளின் திறமையை ரசித்த நடிகர் விஜய் - வைரலாகும் புகைப்படம்

நடிகர் விஜய் - இயக்குநர் ஏ.ஆர். முருகதாஸ் இணையும் படத்தின் படப்பிடிப்பு தொடங்கி நடைபெற்று வருகிறது. சன் பிக்சர்ஸ் தயாரிக்கும் இப்படத்தில் கீர்த்தி சுரேஷ் கதாநாயகியாக நடிக்கிறார். 

மெர்சல் படத்துக்குப் பிறகு விஜய் படத்துக்கு மீண்டும் இசையமைக்கிறார் ஏ.ஆர். ரஹ்மான். ஒளிப்பதிவாளராக கிரிஷ் கங்காதரனும் படத்தொகுப்பாளராக ஸ்ரீகர் பிரசாத்தும் பணியாற்றவுள்ளார்கள். இதில் யோகி பாபு உள்ளிட்ட நடிகர்கள் இடம்பெற்றுள்ளனர்.

துப்பாக்கி, கத்தி படங்களுக்குப் பிறகு விஜய் - முருகதாஸ் இணையும் மூன்றாவது படமிது. ஷங்கர் இயக்கத்தில் ரஜினி நடித்த எந்திரன் படத்துக்குப் பிறகு சன் பிக்சர்ஸ் இப்படத்தைத் தயாரிக்கிறது. 

பைரவா படத்தில் விஜய்க்கு ஜோடியாக நடித்த கீர்த்தி சுரேஷ் மீண்டும் அவருடன் இணைந்து நடிக்கிறார். இப்படத்தை தீபாவளிக்கு வெளியிட திட்டமிட்டுள்ளதாக படக்குழு வட்டாரங்கள் தெரிவிக்கின்றன.

இந்நிலையில், நடிகர் விஜய் தனது மகள் திவ்யா சாஷா பங்கேற்ற அமெரிக்காவில் நடைபெற்ற பாட்மிண்டன் போட்டியை நேரில் சென்று ரசித்த புகைப்படம் தற்போது சமூக வலைதளங்களில் வைரலாகப் பரவி வருகிறது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com