பேராவூரணி, பிப்.8:​ தஞ்சாவூர் மாவட்டம்,​​ பேராவூரணி அருகே முன் விரோதம் காரணமாக இரு தரப்பினரிடையே திங்கள்கிழமை ஏற்பட்ட கோஷ்டி மோதல் தொடர்பாக இரு தரப்புகளைச் சேர்ந்த 14 பேர் மீது வழக்குப்பதியப்பட்டு,​​ 3 பேர் கைது செய்யப்பட்டுள்ளனர்.
​ ​ சேதுபாவாசத்திரம் காவல் சரகம் தில்லங்காட்டைச் சேர்ந்த பூமாலை,​​ ரெங்கநாதன் ஆகியோரிடையே இடப் பிரச்னை தொடர்பாக முன்விரோதம் இருந்தது.
​ ​ இந்நிலையில்,​​ திங்கள்கிழமை இருதரப்பினரிடையே ஏற்பட்ட மோதலில் ரெங்கநாதன்,​​ பஞ்சாட்சரம்,ரோகினி ஆகியோருக்கு வெட்டு விழுந்து,​​ தஞ்சை மருத்துவமனையில் சிகிச்சைப் பெற்று வருகின்றனர்.
​ ​ சேதுபாவாசத்திரம் காவல் நிலையத்தில் பூமாலை கொடுத்த புகாரின் பேரில் ரெங்கநாதன்,முணியன்,சரிதா,ரோகினி உள்ளிட்ட 7 பேர் மீதும் ரெங்கநாதன் கொடுத்த புகாரின் பேரில் வீரத்தமிழன்,பூமாலை,உதயகுமார் உள்ளிட்ட 7 பேர் மீதும் வழக்குப்பதிந்து உதயகுமார்,வீரராஜன்,கார்த்தி உள்ளிட்டோரை போலீஸôர் கைது செய்து விசாரணை செய்து வருகின்றனர்.