பழனி மார்ச் 10:​ பழனியை அடுத்த தாளையூத்தில் கம்யூனிஸ்ட் கட்சி சார்பில் கோரிக்கை பொதுக்கூட்டம் நடைபெற்றது.
​ ​ தாளையூத்தில் பெரிய மொட்டனூத்து சாலையில் பாலம் கட்டி சாக்கடை நீரை வெளியேற்ற வேண்டும்.​ அருந்ததிய மக்கள் மயானத்துக்கு தார்ச் சாலை அமைக்க வேண்டும்.
​ மானூரில் இருந்து வரும் குடிநீர் விநியோகத்தை முறையாக பராமரிக்க வேண்டும்.​ ​ ரேஷன் கடை முறைகேடுகளைத் தடுக்கவும் முறையாக நடவடிக்கை எடுக்க கோரியும் கோரிக்கை பொதுக்கூட்டம் நடைபெற்றது.​ ​
​ ​ ​ கூட்டத்துக்கு ஏரியா கமிட்டி உறுப்பினர் சொக்கலிங்கம் தலைமை வகித்தார்.​ மார்க்சிய கம்யூ.​ சட்டப்பேரவைக் குழுத் தலைவர் பாலபாரதி சிறப்புரை நிகழ்த்தினார்.​ பழனி ஏரியா கமிட்டி செயலர் அருள்செல்வன்,​​ மாவட்ட குழு உறுப்பினர்கள் சுப்பிரமணி,​​ மாயவன்,​​ ஏரியா கமிட்டி உறுப்பினர்கள் கார்த்திகேயன்,​​ ராமசாமி,​​ கிளைச் செயலர்கள் வீராச்சாமி,​​ கிருஷ்ணன்,​​ தெண்டபாணி மற்றும் மகுடீஸ்வரன் உள்ளிட்டோர் பேசினர்.