முதல் டெஸ்ட்: இங்கிலாந்து தடுமாற்றம்
First Published : 30 Jul 2010 12:00:00 AM IST
Last Updated :
நாட்டிங்காம், ஜூலை 29: பாகிஸ்தானுக்கு எதிரான டெஸ்ட் போட்டியில் அடுத்தடுத்து விக்கெட்டுகளை இழந்து தடுமாறி வருகிறது இங்கிலாந்து. இரு அணிகளுக்கு இடையேயான 4 டெஸ்ட் போட்டிகளை கொண்ட தொடரின் முதலாவது ஆட்டம் நாட்டிங்காமில் வியாழக்கிழமை தொடங்கியது. டாஸ் வென்ற இங்கிலாந்து முதலில் பேட் செய்ய தீர்மானித்தது. துவக்க ஆட்டக்ககாரர்களாக ஆண்ட்ரூ ஸ்ட்ராஸýம் குக்கும் களமிறங்கினர். 45 ரன் எடுத்த நிலையில் ஸ்ட்ராஸ் முகமது ஆமிரின் பந்து வீச்சில் ஆட்டம் இழந்தார். ஜோனதன் டிராட் 38 ரன்களுக்கு ஆட்டம் இழந்தார். பாகிஸ்தான் அணியின் பந்து வீச்சை தாக்கு பிடிக்க முடியாமல் குக் 8 ரன்களுக்கும் பீட்டர்சன் 9 ரன்களுக்கும் பெவிலியன் திரும்பினர். உணவு இடைவேளைக்கு பிறகு ஆட்டத்தை தொடர்ந்த இங்கிலாந்து 4 விக்கெட் இழப்புக்கு 125 ரன்கள் எடுத்து ஆடி வருகிறது. இந்த ஆட்டத்தில் முகமது ஆமிர் 3 விக்கெட்டுகளையும் முகமது ஆசிப் ஒரு விக்கெட்டையும் வீழ்த்தினர்.