லண்டனில் தமிழக சுற்றுலாத்துறை
First Published : 20 Nov 2009 12:22:03 AM IST
Last Updated :
சிதம்பரம்,நவ.19: லண்டன் மாநகரத்தில் ஆண்டுதோறும் நவம்பர் மாதம் 2-வது வாரத்தில் ரர்ழ்ப்க் பழ்ஹஸ்ங்ப் ஙஹழ்ற் என்ற பெயரில் மாபெரும் உலக சுற்றுலா சந்தை நடைபெற்று வருகிறது. இந்த அண்டு நவம்பர் 9-ம் தேதி முதல் 12-ம் தேதி வரை இது நடைபெற்றது. இதில் 100க்கும் மேற்பட்ட நாடுகள் பங்கேற்று தங்களுடைய நாட்டில் உள்ள சுற்றுலா ஸ்தலங்களையும், சுற்றுலா சம்மந்தப்பட்ட தொழில்களுக்கான விற்பனை ஒப்பந்தங்களையும், விளம்பர தகவல்களையும் பரிமாறிக் கொள்கின்றன. இந்த ஆண்டு இந்திய சுற்றுலாத்துறை ஐசஈஐஅ டஅயஐகஐஞச என்ற பெயரில் பெரிய அரங்கை அமைத்து இந்தியாவில் உள்ள அனைத்து மாநிலங்களின் சுற்றுலா அரங்கை அமைத்திருந்தது. தொடக்கநாளன்று இந்தியச் சுற்றுலா அரங்கை மத்திய சுற்றுலாத்துறை அமைச்சர் குமாரிசெல்ஜா துவக்கி வைத்தார். இதில் முக்கியமாக தமிழகத்தின் புகழ்பெற்ற சுற்றுலா ஸ்தலங்களான ஸ்ரீநடராஜர் கோயில், கங்கைகொண்டசோழபுரம், தஞ்சை பெரியகோவில், மதுரை மீனாட்சி அம்மன் கோயில் ஆகியவற்றை முன்னிறுத்தி அரங்குகளை அமைத்து விளம்பரபடுத்தியது. மேலும் தமிழகத்தில் உள்ள சுற்றுலா செல்லக்கூடிய மலைப்பகுதிகள், கடற்கரைகள், படகுக் குழாம்கள், பறவைகள் சரணாலயம் உள்ளிட்ட வெளிநாட்டுப் பயணிகளை ஈர்க்கும் வண்ணம் அரங்குகளை அமைத்திருந்தது. தமிழகத்தின் சார்பில் சுற்றுலாத்துறை அமைச்சர் சுரேஷ்ராஜன், ஆணையர் மோகன்தாஸ் மற்றும் தமிழகத்தில் உள்ள பிரபல ஹோட்டல் அதிபர்கள், சுற்றுலா முகவர்கள் பங்கேற்றனர். இச்சந்தையில் சிதம்பரம் ஹோட்டல் சாரதாராம் நிர்வாக இயக்குநர் ஆர்.எம்.சுவேதகுமார் பங்கேற்று சிதம்பரம் நகரத்தையும், நடராஜர் ஆலயம், பிச்சாவரம் மற்றும் அதனைச் சுற்றியுள்ள சுற்றுலா ஸ்தலங்கள் குறித்து வெளிநாட்டு சுற்றுலா முகவர்கள், பிரதிநிதிகள், பயணிகள் ஆகியோருக்கு எடுத்துரைத்தார்.