தேர்தல் வெற்றி: சோனியாவுக்கு கருணாநிதி வாழ்த்து
First Published : 23 Oct 2009 01:39:01 AM IST
Last Updated :
சென்னை, அக். 22மூன்று மாநிலங்களில் காங்கிரஸ் பெற்ற தேர்தல் வெற்றிக்கு, அந்தக் கட்சியின் தலைவர் சோனியா காந்திக்கு முதல்வர் கருணாநிதி வாழ்த்து தெரிவித்துள்ளார். இதுகுறித்து, "பேக்ஸ்' மூலம் கருணாநிதி அனுப்பியுள்ள வாழ்த்துச் செய்தி: ""மகாராஷ்டிரம், அருணாசலப்பிரதேசம், ஹரியாணா ஆகிய மூன்று மாநிலங்களின் வாக்காளர்கள் காங்கிரஸ் கட்சிக்கு மிகப் பெரிய மற்றும் தெளிவான தேர்தல் வெற்றியை அளித்துள்ளனர். இந்தத் தேர்தல் வெற்றி என்பது மத்தியிலும், தேர்தல் நடைபெற்ற மூன்று மாநிலங்களிலும் காங்கிரஸ் அரசின் திறமையான செயல்பாடுகளுக்குக் கிடைத்ததாகும். உங்களது (சோனியா) திறமையான தலைமை, கடின உழைப்பு ஆகிய காரணங்களால் வாக்காளர்கள் காங்கிரஸ் கட்சிக்கு வாக்களித்துள்ளனர். இந்த மகிழ்ச்சியான தருணத்தில் எனது மனமார்ந்த வாழ்த்துகள்'' என்று தனது வாழ்த்துச் செய்தியில் முதல்வர் கருணாநிதி கூறியுள்ளார்.