"சிட்லப்பாக்கம் ஏரியில் படகு சவாரி விட நடவடிக்கை'

First Published : 11 February 2013 04:13 AM IST

சிட்லப்பாக்கம் ஏரியை ஆழப்படுத்தி, படகு சவாரி விட உரிய நடவடிக்கை மேற்கொள்ளப்படும் என்று கால்நடை பராமரிப்புத்துறை அமைச்சர் டி.கே.எம்.சின்னையா கூறினார்.

கிராம தன்னிறைவுத் திட்டத்தின்கீழ் சிட்லப்பாக்கம் எஸ்.வி.வி.அறக்கட்டளை நிறுவனர் மனிதநேய பாண்டியன் வழங்கிய ரூ 10 லட்சம்,தென்சென்னை மக்களவை உறுப்பினர் சிட்லப்பாக்கம் ராஜேந்திரன் வழங்கிய ரூ.5 லட்சம் மற்றும் மாவட்ட நிர்வாகம் சார்பில் வழங்கப்பட்ட ரூ.30 லட்சம் நிதி உதவியுடன்,ஏரிக்கரையைச் சீரமைத்து நடைபாதை,பூங்கா அமைக்கும் பணிக்கான பூமிபூஜை ஞாயிற்றுக்கிழமை நடைபெற்றது.

விழாவில்,சிட்லப்பாக்கம் ஏரி சீரமைப்புப்பணிக்கு தொகுதி மேம்பாட்டு நிதியில் இருந்து ரூ.10 லட்சம் வழங்குவதாக அறிவித்து அமைச்சர் டி.கே.எம்.சின்னையா பேசியது:

சிட்லப்பாக்கம் ஏரிக்கரை சீரமைக்கப்பட்டு 750 மீட்டர் நீளமுள்ள நடை பாதையும், பூங்காவும் அமைக்கப்பட உள்ளது. மாவட்ட அளவில் முன்மாதிரி ஏரியாகத் திகழும் வகையில் உருவாக்கப்படவிருக்கும் சிட்லப்பாக்கம் ஏரியை ஆழப்படுத்தி அதில் படகு சவாரி விடவும் உரிய நடவடிக்கை மேற்கொள்ளப்படும்.

மழைநீர் சேகரிப்பு, நீர்நிலைகள் பாதுகாப்பு ஆகியவற்றில் தொடர்ந்து அக்கறை செலுத்தி வரும் அரசு, குடிநீருக்கு ஆதாரமாகத் திகழும் நீர்நிலைகள் ஆக்கிரமிப்புக்கு உள்ளாகாதபடி தடுப்பதிலும் உறுதியான நடவடிக்கை மேற்கொண்டுள்ளது என்றார்.

விழாவில் தென்சென்னை மக்களவை உறுப்பினர் சிட்லப்பாக்கம் ராஜேந்திரன், தாமஸ்மலை ஒன்றியத்தலைவர் என்.சி.கிருஷ்ணன், எஸ்.வி.வி.அறக்கட்டளை நிறுவனர் மனிதநேய பாண்டியன், செயலர் புலவர் ராமலிங்கம், சிட்லப்பாக்கம் பேரூராட்சித் தலைவர் ஆர்.மோகன், வட்டாட்சியர் முத்துசாமி உள்ளிட்டோர் பங்கேற்றனர்.

A+ A A-

இந்த பகுதியில் மேலும்

குறிப்பு: வாசகர்கள் இந்த கமெண்ட் பாக்ஸ் மூலம் பதிவு செய்யும் கருத்துகள், அவரவரின் பேஸ்புக், கூகுள், டிவிட்டர், லிங்க்ட்இன் ஆகியவற்றில் ஏதேனும் ஒரு கணக்கு மூலம் நுழைந்து அவரவர் அடையாளத்துடன் தாமாகவே பதிவு செய்யும் வகையில் வடிவமைக்கப்பட்டுள்ளது. எந்த வித அடையாளக் கணக்குகளும் இன்றி, விருந்தினராக நுழைந்து வாசகர் பதிவு செய்யும் கருத்துகள், ஆசிரியர் குழுவின் பார்வைக்குப் பிறகே வெளியாகும். வாசகர்களின் கருத்துகள் தினமணியின் கருத்துகள் அல்ல. வாசகரின் கருத்துக்கு அவரே முழுப் பொறுப்பு. இருப்பினும், நாகரீகமற்ற, தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், கருத்து பதிவு செய்தவர் மீது நடவடிக்கை எடுக்க தினமணிக்கு உரிமை உண்டு. அத்தகைய கருத்துகள் உடனடியாக நீக்கப்படும். எனவே நாகரீகமற்ற வார்த்தைகளைப் பயன்படுத்துவதைத் தவிர்க்கும்படி வாசகர்களைக் கேட்டுக் கொள்கிறோம். தனி நபர் தாக்குதலை, கட்டுரைகளுக்குப் பொருத்தமில்லாத கருத்துகளை வாசகர்கள் இங்கே இடவேண்டாம். வாசகர்களின் கருத்துச் சுதந்திரத்துக்கு வாய்ப்பளிக்கும் இந்தப் பகுதியைத் தவறாக பயன்படுத்த வேண்டாம்.