பெண் சாதனையாளர்களை கௌரவிக்கும் விழா!

'ரெயின்டிராப்ஸ்' அமைப்பின் சார்பில் ஐந்தாவது முறையாக  நடத்தப்படும் 'பெண் சாதனையாளர்களை
பெண் சாதனையாளர்களை கௌரவிக்கும் விழா!

'ரெயின்டிராப்ஸ்' அமைப்பின் சார்பில் ஐந்தாவது முறையாக  நடத்தப்படும் 'பெண் சாதனையாளர்களை கௌரவிக்கும்' விழா, வருகின்ற மார்ச் 12 ஆம் தேதி அன்று சென்னையில் உள்ள ஸ்பென்சர் பிளாசாவில் நடைபெற இருக்கின்றது. 

ரெயின்ட்ராப்ஸ் பல்துறை சார்ந்த இளைஞர்களை உள்ளடக்கிய சமூக அமைப்பாகும். ஊடகம் மூலமாகவும், பொழுது போக்கு நிகழ்ச்சிகள் மூலமாகவும்   மக்கள் மத்தியில்  சமூக விழிப்புணர்வை பரப்புவது தான் இந்த அமைப்பின் முக்கியமான குறிக்கோள். இந்த அமைப்பு தற்போது ஐந்தாவது முறையாக  'பெண் சாதனையாளர்களை கௌரவிக்கும்' விழாவை நடத்துகின்றனர். சத்யபாமா பல்கலைக்கழகம் மற்றும் BOFTA திரைப்பட கல்லூரி இணைந்து வழங்கும் இந்த விழா, கடந்த 2011 ஆம் ஆண்டு முதல் ஒவ்வொரு ஆண்டும் நடைபெற்று வருவது குறிப்பிடத்தக்கது.  தேசிய மகளிர் தினத்தை பாராட்டி நடக்க இருக்கும் இந்த விழாவை, ரெயின்டிராப்ஸ் அமைப்பின்  நல்லெண்ணத் தூதராக செயல்பட்டு கொண்டிருக்கும், ஆஸ்கார் வென்ற இசைப்புயல் ஏ.ஆர்.ரஹ்மான் அவர்களின்  சகோதரியும்  - இசையமைப்பாளரும், தயாரிப்பாளருமான  ஏ.ஆர்.ரெஹானா தலைமை தாங்கி நடத்துகின்றார். 

இந்த வருடம், 'வாழ் நாள் சாதனையாளர்' விருதை பெறுபவர், கர்நாடக மாநிலத்தை சார்ந்த சுற்றுசூழல் ஆர்வலர் -  106 வயதான 'சாலுமரட திம்மக்கா' ஆவார். 

பெண் சாதனையாளர் விருதுகளை பெறுபவர்கள்:

1. மீனாக்ஷி அம்மாள் -  கேரளா - இந்தியாவின் மூத்த  'களரிபயட்டு'  பெண்  கலைஞர் 
2. சாந்தி சௌந்தராஜன் - தமிழ்நாடு -  ஆசிய விளையாட்டு போட்டிகளில் பதக்கம் வென்ற முதல் தமிழ் பெண்மணி 
3. நயன்தாரா -  தமிழ் திரையுலகின் முன்னணி நட்சத்திர கதாநாயகி
4. சி வி திலகவதி - சென்னை -  தென்னக ரயில்வேயில் முதல் பெண் ஓட்டுநர் 
5. டி கே அனுராதா - பெங்களூர் - ISRO -  முதல்  பெண் இயக்குநர் 
6. சுவேதா சுரேஷ் - சென்னை - சர்வதேச விசில் சாம்பியன் 
7. நவநீதம் - திருவள்ளூர் - விவசாயி 
8. வாஹித்தா ஷாஜஹான் - புதுச்சேரி - ஆட்டோமொபைல் நிபுணர் 
9. விஜயஸ்ரீ - சென்னை - சமுக ஆர்வலர் 

பார்வையற்றவர்களுக்கான  சிறப்பு அங்கீகாரம்  பெறுபவர்: பாடகி மற்றும் இசை கருவி வாசிக்கும் ஜோதி - சென்னை. தமிழ் திரையுலகின் முன்னணி நட்சத்திரங்கள், சமூக ஆர்வலர்கள் மற்றும் தொழில் அதிபர்கள் பலர் இந்த பிரம்மாண்ட விழாவில் பங்கேற்பார்கள் என்று எதிர்பார்க்கப்படுகிறது.  

சென்ற வருடம் விருதுகளை பெற்ற சிலர்:

1. மிசைல் பெண்மணி டெஸ்ஸி தாமஸ் 
2. பூஜா தாகூர் - (first woman to led the guard of honour to US President)
3. சுதா ரகுநாதன் - கர்நாடக  இசை கலைஞர் 
4. வசந்தகுமாரி - ஆசிய கண்டத்தின் முதல் பெண் ஓட்டுநர் 
5. ரூபா தேவி - FIFA போட்டியின் முதல் பெண் நடுவர் 
5. லக்ஷ்மி - ACID ATTACK SURVIVOR 

'ஒவ்வொரு துறையிலும் இருக்கும் திறமையாளர்களை அடையாளம் கண்டு கொண்டு, அவர்களை கௌரவிப்பது தான் எங்கள் 'ரெயின்டிராப்ஸ்' அமைப்பின் முக்கியமான குறிக்கோள்.  'Edupreneur Awards' மற்றும்  'Change Maker Awards' போல இந்த 'பெண் சாதனையாளார்களை கௌரவிக்கும் விழாவையும்', சர்வேதச மகளிர் தினத்தை முன்னிட்டு வருடா வருடம் நடத்துவது எங்களுக்கு மகிழ்ச்சியாக இருக்கின்றது. 'Calimidi Namberumal Chetty' தொண்டு நிறுவனத்தோடு இணைந்து, நாங்கள் வியாசர்பாடியில் உள்ள 'சீர்ஸ் கேர்ள்ஸ் ஹோமை' தத்தெடுத்து இருக்கின்றோம். இங்கு இருக்கும் ஒவ்வொரு பெண் குழந்தைகளின் படிப்பு மற்றும் வாழ்வாதாரம் ஆகியவற்றுக்கு எங்களின் 'ரெயின்டிராப்ஸ்' அமைப்பு பக்கபலமாய் இருக்கும்' என்று கூறுகிறார் 'ரெயின்டிராப்ஸ்' அமைப்பின் நிறுவனர் அரவிந்த் ஜெயபால்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com