அறிவுதான் தெய்வம் என்பதை உணர வேண்டும்

First Published : 12 September 2013 04:02 AM IST

அறிவுதான் தெய்வம் என்பதை அனைவரும் உணர வேண்டும் என சென்னை உயர் நீதிமன்ற நீதிபதி வெ.ராமசுப்பிரமணியன் தெரிவித்தார்.

சென்னை பாரதியார் சங்கம் மற்றும் கிருஷ்ணா ஸ்வீட்ஸ் நிறுவனம் சார்பில் மயிலாப்பூர் பாரதிய வித்யா பவனில் நடைபெற்ற பாரதியார் விழாவில் அவர் பேசியது:

இன்றைய இளைஞர்கள் பாரதியாரின் தேசப்பற்றையும், சமுதாய நோக்கத்தையும் புரிந்து கொள்ள வேண்டும். மனதைத் தெளிவான பாதையில் வழிநடத்த வேண்டும். பொதுவாக, நாம் கடவுளை வழிபடும்போது பொன் வேண்டும், பொருள் வேண்டும் அல்லது ஏதாவது கோரிக்கை நிறைவேற வேண்டும் என்று வேண்டுகிறோம். ஆனால் பாரதியார் அறிவில் தெளிவும், நெஞ்சில் துணிவையும், ஐம்புலன்கள் மீது சுயகட்டுப்பாடும் வேண்டுமென்று கடவுளிடம் கேட்டார். இதுதான் சாதாரண மனிதர்களுக்கும் மகாகவிக்கும் உள்ள வித்தியாசம்.

ஆயிரம் தெய்வங்களைத் தேடும் ஆறறிவு பெற்ற மனிதர்கள், அறிவுதான் தெய்வம் என்று உணர வேண்டும். பாரதியார் எழுதிய கவிதைகளில் "தேடிச்சோறு நிதம் தின்று..' என்று தொடங்கும் கவிதையை படிக்கும் ஒவ்வொருவருக்கும் மனதில் புத்துணர்வு பிறக்கும். "நான் வீழ்வேனென்று நினைத்தாயோ..' என்று முடியும் அந்த கவிதை நம்மை எழுச்சி பெறச் செய்யும். மகாகவி பாரதியார் காண விரும்பிய சமுதாயத்தை உருவாக்க நாம் அனைவரும் கடமைப்பட்டுள்ளோம் என்றார் ராமசுப்பிரமணியன்.

கோவை கங்கா மருத்துவமனையின் நிர்வாகி ஜே.ஜி. சண்முகநாதனுக்கு பாரதியார் விருதும், தியாக துருகம் பாரதியார் தமிழ்ச் சங்கத்தின் மூலம் தமிழ்ப்பணியாற்றி வரும் சா.சுப்பிரமணியன், பேராசிரியர் அர்த்தநாரீசுவரன் ஆகியோருக்கு "பாரதி புகழ் பரப்புநர்' பட்டயமும், முத்தமிழ்க்காவலர் கி.ஆ.பெ விசுவநாதம் மகள் டாக்டர் மணிமேகலை கண்ணன், எத்திராஜ் கல்லூரி முதல்வர் ஜோதி குமாரவேல், பரத நாட்டியக் கலைஞர் பார்வதி பாலசுப்பிரமணியம் ஆகியோருக்கு "பாரதி கண்ட புதுமைப்பெண்' விருதும் வழங்கப்பட்டன.

அதனைத் தொடர்ந்து ஸ்டெல்லா மேரீஸ் கல்லூரி தமிழ்த்துறை பேராசிரியர் உலகநாயகி பழனி எழுதிய, "எட்டையபுரத்து எரிமலை', சென்னைத் தொலைக்காட்சியின் முன்னாள் நிகழ்ச்சி தயாரிப்பாளர் யு.எம்.கண்ணன் தயாரித்த, "பாரதியின் பாஞ்சாலி சபதம்' சி.டி ஆகியவை வெளியிடப்பட்டன.

பாரதியார் சங்கத் தலைவர் மூத்த வழக்குரைஞர் ஆர்.காந்தி, துணைத்தலைவர்கள் மேஜர் ராஜா, டி.கே.எஸ்.கலைவாணன், கிருஷ்ணா ஸ்வீட்ஸ் உரிமையாளர் எம்.முரளி உள்ளிட்டோர் விழாவில் பங்கேற்றனர்.

A+ A A-

இந்த பகுதியில் மேலும்

குறிப்பு: வாசகர்கள் இந்த கமெண்ட் பாக்ஸ் மூலம் பதிவு செய்யும் கருத்துகள், அவரவரின் பேஸ்புக், கூகுள், டிவிட்டர், லிங்க்ட்இன் ஆகியவற்றில் ஏதேனும் ஒரு கணக்கு மூலம் நுழைந்து அவரவர் அடையாளத்துடன் தாமாகவே பதிவு செய்யும் வகையில் வடிவமைக்கப்பட்டுள்ளது. எந்த வித அடையாளக் கணக்குகளும் இன்றி, விருந்தினராக நுழைந்து வாசகர் பதிவு செய்யும் கருத்துகள், ஆசிரியர் குழுவின் பார்வைக்குப் பிறகே வெளியாகும். வாசகர்களின் கருத்துகள் தினமணியின் கருத்துகள் அல்ல. வாசகரின் கருத்துக்கு அவரே முழுப் பொறுப்பு. இருப்பினும், நாகரீகமற்ற, தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், கருத்து பதிவு செய்தவர் மீது நடவடிக்கை எடுக்க தினமணிக்கு உரிமை உண்டு. அத்தகைய கருத்துகள் உடனடியாக நீக்கப்படும். எனவே நாகரீகமற்ற வார்த்தைகளைப் பயன்படுத்துவதைத் தவிர்க்கும்படி வாசகர்களைக் கேட்டுக் கொள்கிறோம். தனி நபர் தாக்குதலை, கட்டுரைகளுக்குப் பொருத்தமில்லாத கருத்துகளை வாசகர்கள் இங்கே இடவேண்டாம். வாசகர்களின் கருத்துச் சுதந்திரத்துக்கு வாய்ப்பளிக்கும் இந்தப் பகுதியைத் தவறாக பயன்படுத்த வேண்டாம்.