எட்டாம் வகுப்பு பொதுத் தேர்வு: தத்கல் முறையில் இன்றும் விண்ணப்பிக்கலாம்

எட்டாம் வகுப்பு பொதுத் தேர்வுக்கு தனித் தேர்வர்கள் தத்கல் முறையில் விண்ணப்பிக்க வியாழக்கிழமையும் (டிச.8) வாய்ப்பளிக்கப்பட்டுள்ளது.
இதுதொடர்பாக அரசுத் தேர்வுகள் இயக்ககம் வெளியிட்டுள்ள செய்திக்குறிப்பு: அடுத்த மாதம் (ஜனவரி) நடைபெறவுள்ள தனித் தேர்வர்களுக்கான எட்டாம் வகுப்பு பொதுத் தேர்வுக்கு விண்ணப்பிக்க நவம்பர் 25 -ஆம் தேதி வரை வாய்ப்பளிக்கப்பட்டது. கடைசித் தேதிக்குள் விண்ணப்பிக்கத் தவறியவர்கள், தத்கல் முறையில் டிசம்பர் 7-ஆம் தேதி வரை விண்ணப்பிக்கலாம் எனத் தெரிவிக்கப்பட்டிருந்தது.
இந்த நிலையில், பள்ளிகளுக்கு விடுமுறை அளிக்கப்பட்ட காரணத்தால் விண்ணப்பத்தை வியாழக்கிழமையும் சமர்ப்பிக்க வாய்ப்பளிக்கப்பட்டுள்ளது. தேர்வர்கள் www.dge.tn.gov.in என்ற இணையதளத்தில் குறிப்பிட்டுள்ள சேவை மையங்களுக்கு நேரில் சென்று, ஆன்-லைன் மூலம் பதிவு செய்து கொள்ளலாம்.