திமுக தலைவர் கருணாநிதிக்கு சிறுநீரக பாதையில் ஏற்பட்டுள்ள தொற்றின் காரணமாக காய்ச்சல் ஏற்பட்டு, அவரது உடல்நிலை சிறிது நலிவு ஏற்பட்டதால் தமிழகம் முழுவதும் சற்று பரபரப்பு தென்பட்டது. தமிழக துணை முதல்வர், தமிழக அமைச்சர்கள், அரசியல் கட்சித் தலைவர்கள் கோபாலபுரத்தில் உள்ள கருணாநிதியின் வீட்டுக்கு சென்று அவருடைய உடல்நலம் குறித்து விசாரித்தனர். இதை தொடர்ந்து, கருணாநிதி உடல்நிலை குறித்து விஷமிகள் திட்டமிட்டு பரப்பும் எந்த வதந்திகளையும் நம்ப வேண்டாம் என திமுக செயல்தலைவர் ஸ்டாலின் வேண்டுகோள் விடுத்துள்ளார்.