திருப்பதி உயிரியல் பூங்காவில் உள்ள 2 புலிகள், 7 குட்டிகளை ஈன்றன. அவை, ஞாயிற்றுக்கிழமை கண் திறந்தன.
திருப்பதி அலிபிரியில் உள்ள ஸ்ரீ வெங்கடேஸ்வரா உயிரியல் பூங்காவில் வன விலங்குகள் பராமரிக்கப்படுகின்றன.
இப்பூங்காவில் பிறந்து வளர்ந்த 4 வயதான வெள்ளைப் புலி ராணி, சில நாள்களுக்கு முன் 4 குட்டிகளை ஈன்றது.
அதேபோல், பெங்களூரு உயிரியல் பூங்காவிலிருந்து மூன்றாண்டுகளுக்கு முன்பு திருப்பதி உயிரியல் பூங்காவுக்கு கொண்டு வரப்பட்ட 12 வயதான கமலா என்ற பெங்கால் புலி 3 குட்டிகளை ஈன்றது.
இந்த புலிக் குட்டிகள், ஞாயிற்றுக்கிழமை கண் திறந்தன. இவற்றைக் காண பொதுமக்கள் ஆர்வம் காட்டி வருகின்றனர்.
அதனால் இன்னும் 10 நாள்களுக்கு, புலிக் குட்டிகளைக் காண மக்களுக்கு அனுமதி வழங்கப்படும் என்று பூங்கா அதிகாரிகள் தெரிவித்தனர்.