மணிப்பூரில் திங்கள்கிழமை மிதமான நிலநடுக்கம் ஏற்பட்டது.
இதுதொடர்பாக, இந்திய வானிலை ஆய்வு மைய அதிகாரி ஒருவர் கூறியதாவது:
மணிப்பூரில் திங்கள்கிழமை அதிகாலை 4 மணியளவில் மிதமான நிலநடுக்கம் ஏற்பட்டது. ரிக்டர் அளவுகோலில் இது 4.4-ஆகப் பதிவாகியிருந்தது. மணிப்பூரின் வடக்கே அட்சரேகை 24.7 டிகிரி நிலையிலும், கிழக்கே தீர்க்கரேகை 93.9 டிகிரி நிலையிலும் இந்த நிலநடுக்கம் மையம் கொண்டிருந்தது.
எனினும், நிலநடுக்கத்தால் உயிர்ச்சேதமோ, பொருள்சேதமோ ஏற்படவில்லை என்று போலீஸார் தெரிவித்தனர்.